Arazi: 15 urtez ideiak borobiltzen

KOMUNIKAZIOA, KULTURA, INGURUMENA eta HEZKUNTZA arloko 35 profesionalez osatutako lan taldea gara. Arazik proiektuak garatu eta gizarteratzen ditu. 15 urteko ibilbideak ematen duen bermearekin eta esperientziarekin, bokazioarekin eta berrikuntzarekin, forma ematen diegu zeure ideiei.

Blogeko albistea:
15 urteko ibilbidea elkarlanean ospatu dugu.

Garaturiko zenbait proiektu:

Blogeko azken berria:

Jasangarritasunerako Hezkuntza sustatzen

Hezkuntzaren alorreko ehun eragile baino gehiago elkartu gara Jasangarritasunerako Hezkuntzarako Euskadiko IV. Jardunaldietan.

Azaroaren 26tik 28ra hizlari nabarmenak izan dira Bilboko Industria Ingeniaritza Teknikoko Unibertsitate Eskolan: Federico Mayor Zaragoza, UNESCOren zuzendari nagusi izandakoa eta Javier Benayas, Madrilgo Unibertsitate Autonomoko Ekologiako irakaslea eta Espainiako Unibertsitateetako Errektoreen Konferentziako Jasangarritasun Batzordeko idazkari exekutiboa.

Hitzaldiez gain, hainbat mahai-inguru egin dira, “Jasangarritasunerako Hezkuntza EAEn” argitalpena aurkeztu da eta bestelako azterlanak argitaratu dira poster formatuan. Jasangarritasunerako Hezkuntzarako Euskadiko 2030 Estrategia parte-hartzaileen ekarpenekin aberasteko helburuarekin bost lantalde ezarri dira eta Arazi horietako bat gidatu du, “Gazteak trebatzea eta ahalduntzea”. Gure eskerrik beroena zuen ekarpen guztiengatik eta gizarte jasangarriago baten alde egiten duzuen lanagatik.

bilbo

Ikastetxetik herria hobetzeko aukera dute “Denboraren bila” jolasaren bitartez

Pasa den otsailaren 13an, Arazik antolatzen duen Denboraren bila jolasean parte hartu zuten Zumaiako Maria eta Jose ikastetxekoek. Bertan, Zumaia herriaren inguruko nondik norakoak ezagutzea da xedea eta horretarako galderak erantzun, pistak aurkitu eta proba ezberdinak gainditu behar izan zituzten. Ondoren, taldetan bilduta eta Zumaia hobetzeko proposamenak eta eskaerak gutun batean idatzi eta alkateari bidali zioten.

Otsailaren 25ean , goizeko 10etan, alkatearekin bildu ziren Monjaxarretan eta eskutitzetan azaltzen ziren eskaeren aurrean azalpenak eta erantzunak eman zizkien. Ea denon artean herria hobetzen dugun!!